Moza beju, gonūs guoju

Moza beju, gonūs guoju, Īt pī veira nadūmovu. Ka izaugu lela meita, Svuoti skrēja maņ gar suodu. Pasvuotēja vīni svuoti, Pasvuotēja ūtri svuoti. Treši brauca pogolmā, As ībāgu klēteņā. Boltu muti nūmozgovu, Gludu golvu sasukovu. Kā īguoju ustobā, Tā izdzierdu slyktu vuordu: Vīns soka, kab jaunuoka, Ūtrs soka, kab vacuoka. Jas tuo vuorda jam naļuovu, Pylnu buorzdu jam pīšpļuovu; A jis tū najēme par ļaunu, Ka darēju as jam kauna.