Dvēselis osorys

Borowa MC

Izpildītājs:
Borowa MC
Birkas:
latgaliski
Nosaukums:
Dvēselis osorys
Dalīties:
Seko jaunumiem:
Aiz azara bolti bārzi
Sudrobeņa lapeņom..
  
Kotram sovs krysts
Nu dabasim dūts,
Lels voi mozs - 
Tys juonas i juocīš.
  
Izaraut navar,
Kotram dzeive sova lamta.
  
Cytam tei bogota i laimeiga dūta,
Cytam - nu reita leidz vokoram juocīš
I malnuos mīsuos juosaraun.
  
Cylvāks acs bīžai paceļ
I dabasim tod prosa 
Par kaidim grākim
Krysts jam uzlykts tīši taids.
  
Bet debess tak naatbiļd.
Tuos māmys i svātis,
Cytreiz lelys osorys 
Puor ciļvieci lej.
  
Reizī ar dabasim tod dvēsele raud 
I nūsaver, kai palākys luosis
Puori styklam lānai sleid 
I zemī vīglai kreit.
Ar klusu skani atsasyt, 
I tūp vyss otkon kluss.
  
Dvēsele raud – korstys osorys 
Par nataisneibu dzeivē,
Tikai vyss jau nu dabasim ir izlamts,
I gryušai byus cylvākam maineit te kū.
 
Kotram sovs krysts,
Ar kuru tys pa pasauli īt.
Saleics voi prīceigs – 
Kaida te vairs starpeiba.
  
Citreiz apkuor apsaver,
Cylvākus sev blokus ejom radz.
  
Tīm tože puor placim sovs dabasu krysts...
  
Krysts pi krysta,
Krysts pi krysta,
Vysa zeme krystūs systa.
  
Bruoļs pi bruoleiša,
Kūks pi kūceņa.
Vosora voi zīmeņa.
 Kod cylvāks pīdzymst, 
Jis sapņoj, ka izaraus nu ikdīnys,
Kas palāka i skorba,
Kas tāvus tai mūceja
I dzeivuot skaistai nadeve.
    
Tys struodoj i cenšās, 
Pat muguru naatlīc.
Muocuos i raunās,
Saulis gaismu tik pa ratam radz.
  
Bez atpyutys voi smaida
Tys kotru reitu ceļās.
Nūstaigoj dīnu
I otkon gultā guļās.
  
Vairs naprūt tys nūviertēt,
Cik doba apkuort skaista,
Cik svareigs ir mirklis,
Kas meilam cylvākam 
Blokus ir vadeits.
Puor lyupom gryušai vuordi nuok
I sajyutys tys namuok izteikt vairs.
  
Kod tīkās jis ar muoti,
Tod gryb tik jū apskaut,
Pi kriutem sovom pīkļaut,
I saceit, cik styprai jis jū mīļoj,
Cik duorga jei ir jam.
Tikai navar,
Kaida distance nūtur.
  
Kod muote ir myruse,
Iz vīna ceļa tupūt
Pi zuorka tys raud :
„Muot, es ļūbeju tevi...”
Tik par vālu jau...
  
I saprūt tod cylvāks, 
Ka dzeivoj jis dzeivi,
Kurai vierteibys nava.
  
Jaunam asūt redzēja,
Kai sovu dzeivi nīkoj cyti,
Kai paklauseigai krystu tī nas.
Bet dūmoj, ka byus sovaiduoks.
Tikai krysts taids pats jam dabasūs bej lamts,
I nabyus jam tū nūlikt...
  
Juonas leidz golam – kotram sovs dabasu krysts!
  
Krysts pi krysta,
Krysts pi krysta,
Vysa zeme krystūs systa.